[LENTE | New Episode] Usapang Electoral Reform: May pag-asa pa ba bago ang sine die?

Ipinagpatuloy ng Kongreso ang 1st Regular Session ng 20th Congress noong Mayo 4, 2026, na may natitirang 12 session days bago ang Sine Die Adjournment sa Hunyo 5, 2026. Sa maikling panahon na ito, kritikal na matukoy kung aling mga panukalang batas tungkol sa electoral reform ang may pagkakataong maipasa, at kung saan dapat ituon ng mga mambabatas at reform advocates ang kanilang atensyon sa pagtataguyod ng reporma.

Kabilang sa pinaka-inaabangan na mga panukalang batas ang Anti-Political Dynasty Bill at ang Party-List Amendment na parehong kasama sa priority legislative agenda ng Legislative-Executive Development Advisory Council (LEDAC). Sa kasalukuyan, ang Anti-Political Dynasty Bill ay nasa period of interpellation sa House of Representatives at Senado. Sa Party-List Amendment, inilabas na ng Senado noong May 5, 2026 ang substitute bill at Committee Report nito, at magsisimula ang unang committee hearing sa House of Representatives sa susunod na linggo. Bukod dito, may iba pang mahahalagang panukalang batas sa electoral reform ang naghihintay ng aksyon, kasama dito ang Campaign Finance Reform, Early Voting, Alternative Modes of Voting, at ang COMELEC Integrity Bill.

Layunin ng ika-75 episode ng Dapat PWEDE! na ipaalam sa publiko ang kasalukuyang katayuan ng mga panukalang batas sa electoral at governance reform, ang mga hamon at pagkakataon bago ang adjournment, at kung ano ang maaaring asahan ng publiko sa 2nd Regular Session ng 20th Congress na magsisimula sa Hulyo 27, 2026.

Abangan sa Dapat PWEDE! May 8, 2026, (Biyernes) | 8:00 AM to 8:30 AM

Live sa Facebook pages ng: 702 DZAS – FEBC Radio at LENTE Philippines.

Mapapakinggan din sa buong bansa sa 702 DZAS AM Radio!

#MayPapelKa dahil #SATINangEleksyon