[EDITORIAL] Political theater: When senators misdirect, cry, and flee from justice

Sa gitna ng komedya sa Senado, hinanap ng mga tao sa social media ang police general na umaresto with surgical precision kay former president Rodrigo Duterte, at nagpadala sa kanya sa The Hague forthwith.

And he did it twice, siya rin ang humuli sa umano’y sex and labor trafficker and child sexual abuser na si Pastor Apollo Quiboloy sa teritoryo nito, habang napapaligiran ng libong rabid supporters at nagtatago sa kuta nitong 30 hectares ang lawak. 

Sa isang interbyu kay Rappler columnist John Nery sa In the Public Square, sinabi ni Nicolas Torre na dating Philippine National Police (PNP) chief at ngayo’y General Manager ng Metro Manila Development Authority (what an underwhelming post for his talents) — “decision making on the ground” ang naging ugat ng kapalpakan sa Senado in contrast sa pag-aresto kay Duterte.

Sabi pa ni Torre, matapos ma-establish na valid ang arrest warrant, “You have to plan for it… Properly assess the situation, have the environmental scan.” Dagdag pa niya, susi ang scenario-building. At ang crucial na tanong: ano ang possibility of resistance? 

Sabi ni Torre na sa kaso ni Quiboloy, tinanggal niya ang “possibility of resistance” gamit daw ang “proportional force” kaya’t sa bandang huli, malinaw sa subject ng manhunt na wala nang ibang rekurso kundi sumuko. Sabi ni Torre, kailangang mapagtanto ng subject ng manhunt na “resistance is futile.”

Nagkaroon ba ng ganitong thought process sa tangkang pagse-serve ng warrant kay Senador Bato dela Rosa? More importantly, wala bang intelligence gathering na naganap — hindi ba ang Internatioanl Criminal Court (ICC) warrant ay isang bagay na inaasahang mangyayari simula pa Nobyembre 2025? Wala bang operational plan at scenario-building ang PNP o National Bureau of Investigation para arestuhin si Bato? 

Talaga bang malaking factor na mistah ng marami sa kapulisan ang dating PNP chief? Again, we go back to the question, assuming the mistahs and Duterte loyalists are still in place then and now, bakit nagawang arestuhin ni Torre si Duterte noong March 11, 2025?

Sabi pa ni Torre, intelligence gathering is key. Ang tanong namin, wala bang nag-monitor sa mga kakampi ni Dela Rosa sa Senado at mga mistah niya sa Philippine Military Academy? Hindi ba nila talaga kayang ma-foresee na magkakaroon ng coup sa oras na dumating ang Articles of Impeachment sa Senate, gayung umugong nga ang balita sa media? Kung si dating senador Sonny Trillanes nga, alam na darating si Bato, bakit unprepared ang mga kinauukulan?

Hindi lang ito failure in execution and operational leadership — mukhang failure din ito ng political will. Natatakot ba ang underlings in Pangulong Ferdinand Marcos Jr. na ma-single-out ng DDS (Duterte Diehard Supporters) at sumemplang sa darating na eleksyon? Natatakot ba sila sa scenario ng people power? Hindi ba nagbigay ng clear orders ang Presidente pagdating kay Bato?

Obviously, na psy-ops silang lahat ng bagong Senate President na si Alan Peter Cayetano. Hindi pa ba nila kabisado ang diskarte ni Alan Peter na noong 2020 ay ayaw sumunod sa gentleman’s agreement ng term-sharing kay dating Marinduque congressman Lord Allan Velasco? And boy what a tantrum he had. (BASAHIN: Cayetano railroads 2021 budget, steps up House power play)

What boggles the mind: Saan nanggaling ang pahayag ni Interior Secretary Jonvic Remulla na “hindi enforceable” ang ICC arrest warrant, samantalang dati pa rin niyang ininvoke ang Republic Act 9851 sa kaso ni Duterte, kung saan maaaring i-surrender ang isang suspek sa Pilipinas sa isang international court o tribunal. Ngayon, sinasabi ng Malacañang na ise-serve daw immediately ang ICC warrants mula ngayon. Ngek.

Bottomline, nang andiyan na ang malinaw na oportunidad na arestuhin ang arkitekto ng extrajudicial killings ng tokhang, hinabol ng mga kinauukulan ang kanilang buntot imbes na si Bato. Lalo pang napatunayang spineless ang mga otoridad sa pagpapatumpik-tumpik sa pag-aresto kay Bato nang hindi pa nag-materialize ang inaasahang Temporary Restraining Order ng Korte Suprema.

At ano ang pinakamalinaw na senyales na walang political will na arestuhin si Bato? Nang magkaputukan sa Senate, they took their eyes off Bato, they took their eyes off the exit gates. At ayun, nakapuslit si Bato nang nag-hitch umano sa sasakyan ni Senador Robinhood Padilla. Hindi ba SOP ang surveillance ng bawa’t lalabas na sasakyan mula sa Senado nang gabing iyon ng May 13? Wala man lang bumuntot sa Fortuner ni Padilla?

Palusot ni Padilla, hindi niya matanggihan nang nagsabi si Bato na “sasabay ako sa ’yo.” What part didn’t Padilla understand about “subject of an arrest warrant and under the protection of the Senate”? Sobrang clueless ba si Padilla na hindi niya gets na aiding and abetting a fugitive ang ginagawa niya? O nagmamaang-maangan siya?

Either way, walang karapatan maging senador si Robinhood — clueless man siya o nagpapalusot. Disgrace siya sa kanyang sinumpaang tungkulin. At ano ang ginawa ng mga kapwa niya senador? 

‘Yan na nga ang tinatanong ni Senadora Risa Hontiveros nang sinabi nitong “parang walang nangyari.” On cue, umiyak nang walang luha si Senador Pia Cayetano, dahil wala raw nangamusta sa kanya. After decades, Pia has reverted to her Maalaala mo Kaya persona that got her voted into office in 2004. 

Ladies and gentlemen, ‘yan ang bago nating Senate blue ribbon committee chair. And her first official act is to cry dry tears.

Bad acting, pero good deflection, Sen Pia! Nakalimutan na ang punto ni Hontiveros na may dapat managot — sa putukan gamit ang high-powered firearms, sa misdirection ng Senate President na “the Senate is under attack,” at sa pagtakas ng isang pugante.

Ang net effect ng lahat ng ito? Lalo lang nasagad ang natitirang tiwala ng taumbayan sa rule of law. Muli na naman tayong sinampal ng katotohanan na makapangyarihan ang pinapaboran ng batas.

Pang-aalipusta ng batas at pambabastos sa Senado bilang institusyon ang naganap noong Mayo 11 hanggang May 20. Lahat ‘yan bago pumalaot ang Impeachment Trial of the Decade ni Vice President Sara Duterte. – Rappler.com